لجنة الإرشاد لجمعية الباقويين

அன்னம் பதில்

2011-12-07T09:14:00.000-08:00

சமநிலைச் சமுதாயம் டிஸம்பர் மாத இதழில் காஷிபுல் ஹுதா மதரஸாவின் மறுப்புகளுக்கும் சொதப்பல்களுக்கும் அன்னம் வழங்கியுள்ள பதிலை படிக்க கீழே கிளிக் செய்யவும்.
http://writerannam.blogspot.com/2011/12/blog-post.html

அன்பு நிறைந்த ஆலிம்களே நணபர்களே

2011-12-05T06:45:00.000-08:00

அன்பு நிறைந்த ஆலிம்களே! நணபர்களே!
பாகியாத்தின் வரலாறு மற்றும் மஸ்லக் பற்றி காஷிபுல் ஹுதாவிலிருந்து வெளிவருவருகிற மனாருக் ஹுதா மாத இதழில் வெளியான செய்திகள் குறித்து பலரும் அதிருப்தியும் கோபமும் அடைந்துள்ளனர் என்பதை நாம் அறிவோம்.

உத்தமர்களாவும், புத்திசாலிகளைப் போலவும் வேடமிட்டு புரட்டு வாதம் செய்வோர் அவர்களது ஆட்களை திருப்திப் படுத்துவதற்காக அல்லது தங்களது மனப் புகைச்சலை தீர்த்துக் கொள்வதற்காக " நாங்களும் எழுதிட்டோமல்லே " என்று காட்டுவதற்காக நிறையப் பக்கங்களை பாழ்படுத்தியுள்ளனர்.

எனினும் தொடர்ந்து இவர்கள் எந்த தப்பு வாதங்களை தப்பாது செய்து வருகிறார்களோ அதெற்கெல்லாம் பதிலளிக்க வேண்டியது நம்முடைய கடமை என்பதை லிபாஸ் உணர்ந்திருக்கிறது. பாகியாத்தின் வரலாறு பாகியாத்தின் மஸ்லக், பாகியாத்திற்கும் தப்லீக்கிற்கும் இடையே உள்ள தொடர்பின் நிலை, மௌலானா யாகூப் விஷாரமி செய்து வருகிற ஒரு தலைப்பட்சமான பொய்ப்பிரச்சாரம் அவர் பயன்படுத்திய குயுக்தியான வழிகள் இன்றைக்கு பாகியாத் அடைந்திருக்கிற பின்ண்டைவு அதை மேம்படுத்து வதற்கான தீர்வுகள் வழிமுறைகளைப் பற்றி விரிவான ஒரு தகவல் கையேட்டை லிபாஸ் தாயாரித்து வருகிறது. பாகியாத் உள்ளிட்ட பல அரபு மதரஸாக்களின் முதர்ரிஸ்கள் இந்தப் பணியில் ஈடுபட்டு வருகிறார்கள்.

இன்ஷா அல்லாஹ் விரைவில் இதுபற்றிய தொகுப்பு நூல் வெளியிடப்படும்,தொடர்ந்து காஷிபுல் ஹுதா செய்து வரும் மறைமுக வஹாபிஸம் பற்றி விழிப்புணர்வை மக்கள மத்தியில் ஏற்படுத்த தமிழகத்தின் பல பகுதிகளில் மாநாடுகளை நடத்தவும் லிபாஸ் திட்டமிட்டுள்ளது.

உங்களது ஆலோசனைகளையும் கருத்துக்களையும் எங்களுக்கு எழுதுங்கள். வஸ்ஸலாம்.
libas07@gmail.com

2011-10-24T03:15:00.000-07:00

பாகவிகள் சந்திப்பு பற்றி உருது பத்ரிகை செய்திகள்

2011-10-15T04:44:00.000-07:00

பாகவிகள் சந்திப்பு பற்றி இரண்டு உருது பத்ரிகைகள் செய்தி வெளியிட்டிருந்தன.

அஃலா ஹஜ்ரத் நினைவு விழா

2011-10-12T11:00:00.001-07:00

காலை உணவு இடைவேளை

2011-10-12T10:49:00.001-07:00

இரண்டாம் அமர்வு

2011-10-12T09:31:00.001-07:00

முதல் அமர்வு

2011-10-12T02:54:00.000-07:00

அல்ஹம்துலில்லாஹ்

அல்லாஹ்வின் கிருபையால் அகில இந்திய பாகவி ஆலிம்களின் சந்திப்பு அறிவிக்கப் பட்டிருந்த படி 11.10.2010 செவ்வாயன்று காலை காலை 8 மணிமுதல் மாலை 4 மணிவைரை வேலூரில் எழுச்சியோடு நடைபெற்றது.

அலைஅலையால மக்கள் கூடினர் என்று சொல்வது தான் சாதாரண வ்ழக்கம், ஆனால் இந்த சந்திப்பு நிகழ்ச்சியை அலைஅலையான இடையூறுகளையும் தடைகளையும் தாண்டி அல்லாஹ் வெற்றி பெறச் செய்தான். அஃலா ஹஜ்ரத்தின் துஆ தம்மோடு இருந்தது என பாகவிகள் நெக்குறுகினர்.

தமிழக அமைச்சர் முஹம்மது ஜான், தமுமுக தலைவர் ஜவாஹிருல்லாஹ், சர்ர்ச்சைக்குரிய சென்னை செல்வந்தர் அப்பல்லோ ஹனீபா தமிழக ஜமாத்துல் உலமா தலைவர் அப்துர் ரஹமான் மிஸ்பாஹி ஹஜ்ரத் உள்ளிட்ட பலர் தற்போதைய பாகியாத் நிர்வாகக்குழுவின் செயலாளர் மலுக்கு முஹம்மது ஹாஷிமின் செல்வத்துக்கு சேவகம் செய்து இச்சந்திப்பை தடுக்க முயன்றதாக தகவல் தெரிவித்தன.

எனினும் நல்லவர்களின் துஆவும், பாகவி ஆலிம்களின் பக்குவமான அதே நேரத்தில் உறுதியான நடவடிக்கை களும் நிகழ்ச்சியை வெற்றிகரணமாகியது. அல்ஹம்து லில்லாஹ்.

நிகழ்ச்சியின் தொடக்கத்தில் ஈஸால் தாவ்பு எனும் துஆ நடைபெற்றது. நிகழ்ச்சி பற்றிய புக்கைப்படங்கள்,

வருக வருக

2011-10-07T23:08:00.000-07:00

செய்லாளரிடமிருந்து

அன்புமிக்க பாகவிகளே அஸ்ஸலாமு அலைக்கும்.

11.10.2011 அன்று வேலூரில் நடைபெற உள்ள நம்முடைய சந்திப்பு நிகழ்ச்சிக்கான் ஏற்பாடுகள் சிறப்பாக நடைபெற்று வருகின்றன.

நிகழ்ச்சி குறித்த தகவல்களை அவ்வப்போது நம்முடைய இந்த பிளாக்கில் நீங்கள் அறிந்து கொள்ளலாம்.

இப்போது கல்ந்து கொள்வோர் தங்களது பெயர்களை விரைவாக பதிந்து வருகின்றன. பல நூற்றுக்கணக்கான பாகவிகள் இக்கூட்டத்தில் கலந்து கொள்ள விருப்பம் தெரிவித்துள்ளனர். தமிழ் மளையாள்ம் உருது மொழிகளைச் சேர்ந்த பல மூத்த முன்னாள் பாகவிகளும் இக்கூட்டத்தில் கலந்த விருப்பம் தெரிவித்துள்ளனர்.

நீங்களும் கலந்து கொள்ள முடிவு செய்தால் உங்களுக்கான வசதிகளைச் செய்வதற்கு வசதியாக கீழ் கானும் எண்ணில் உங்களது பெயர் மற்றும் தொலை பேசி எண்ணை sms செய்யுமாறு கேட்டுக் கொள்கிறேன்.
அப்துல் கையூம் மௌலானா பாகவி 9094965052

வஸ்ஸலாம்.

செருசேரி ஜைனுத்தீன் முஸ்லியாருடன் லிபாஸ் குழுவினர் சந்திப்பு

2011-10-03T23:08:00.000-07:00

இந்தியாவின் தலை சிறந்த மார்க்க அறிஞர்களில் ஒருவரும் கேரள சமஸ்தாவின் பொதுச் செயலாளருமான செருச்சேரி ஷைகுனா ஜனுத்தீன் முஸ்லியார் மற்றும் தாருல் ஹுதா பல்கலை கழகத்தின் துணைவேந்தர் பஹாவுத்தீன் முஹம்ம்து நத்வி ஆகியோரை லிபாஸ் குழுவினர் சந்தித்தனர்.

A.P. முஸ்லியாருடன் லிபாஸ் குழுவினர் சந்திப்பு

2011-10-03T22:58:00.000-07:00

இன்ஷா அல்லாஹ் வருகிற 11.10.11 அன்று வேலூரில் நடைபெறுகிற பாகவிகள் சங்கம் நிகழ்ச்சிக்கு அழைப்பு விடுப்பதற்காக லிபாஸ் குழுவினர் கேரளா ஸகாபுத்துஸ்ஸுன்னிய்யாவின் நிறுவனரும் உலகப்புகழ் பெற்ற பாகவிகளில் ஒருவருமான A.P. அபூபக்கர் முஸ்லியார் அவர்களுக்கு அழைப்பு விடுத்தனர். அன்னார் இந்நிகழ்வின் சிறப்பு விருந்தினராக கலந்து கொள்ள உள்ளார்.

2011-10-02T02:54:00.000-07:00

“பாகியாத்தின் இன்றைய நிலையும் பாகவிகளின் பொறுப்பும்”
>
பாகவிகள் கலந்தாய்வு

இன்ஷா அல்லாஹ் வரும் 11.10.2011 செவ்வாயன்று வேலூரில் காலை 8 மணி முதல் “பாகியாத்தின் இன்றைய நிலையும் பாகவிகளின் பொறுப்பும்” என்ற கருத்தை மையமாமா கொண்டு ஒரு கலந்தாய்வு நிகழ்ச்சி நடைபெறவுள்ளது. இதில் தமிழகம், கேரளா, கர்நாடகா, மற்றும் ஆந்திராவிலிருந்து பாகிவிகள் பங்கேற்கவுள்ளனர்.

மேலதிக விபரங்களுக்கு எண்களில் தொடர்பு கொள்ளலாம்.
9443201037 9443709706 98043665506 9976104473 98402 77450

பாகவிகள் அனைவரையும் கலந்து கொள்ள அன்புடன் அழைக்கிறோம்.
முன்பதிவு அவசியம்.

இங்கனம்
லஜ்னத்துல் இர்ஷாத் பாகவி ஆலிம்கள் சங்கமம்.

2011-09-14T21:14:00.000-07:00

மரியாதைக்குரிய ஹாஷிம் சாஹிப் அவர்களுக்கு

தாங்கள் ஜாமியா அல்பாகியாதுஸ் ஸாலிஹாத்தின் செயலராக பொறுப்பேற்றதிலிருந்து சிறப்பான பல காரியாங்களை நிறைவேற்றினீர்கள். அல்ஹம்து லில்லாஹ். ஜஸாக்கல்லாஹ்.

அதே நேரத்தில் மூர்க்கத்தனமான உங்களது சில நடவடிக்கைகள் பாகியாத் அரபுக்க்ல்லூரிக்குள்ளும் தமிழக் மக்களிடமும் பலத்த அதிருப்தியை ஏற்படுத்த்யது.

பாகியாத் என்பது உங்களிடம் ஒப்படைக்கப் பட்ட அமானிதம் என்பதை நீங்கள் பொறுப்பேற்ற ஆரம்ப காலத்தில் உணர்ந்து மிகச் சிறப்பாக செயல்பட்தை நாங்கள் அறிவோம்.

காலப்போக்கில் தங்ககளை சிலர் தவறாக வழி நட்த்தியதால், அல்லது தங்களுடைய ஜமீன்தாரி மனப்போக்கினால் பாகியாத்தின் வரலாற்றில் தீய பல முடிவுகளை எடுத்தீர்கள். அதனால் பலமான் அதிருப்தி அடைந்த தமிழக மக்கள் பாகியாத்தின் மீது கொண்டிருந்த மரியாதையின் காரணத்தினாலும் தங்களது பிரம்மாண்டமான பண வச்தியின் மீது கொண்ட அச்சத்தினாலும் பொறுமை காத்தார்கள்.

பாகியாத்திற்கு சேவை செய்வதை தங்களது வாழ்க்கை இலட்சியமாக கொண்டு பாகியாத்தின் புகழ் உல்கெலாம் பரவ காரணமாக் இருந்த கடப்பா அப்துல் ஜப்பார் ஹஜ்ரத் எச். கமாலுத்தீன் ஹஜ்ரத் , பிஎஸ்பி ஜைனுல் ஆபிதீன் ஹஜ்ரத் உள்ளிட்ட பாகியாத்தின் மூத்த பேராசிரிய பலரையும் பாகியாத்தின் பைலாவில் இல்லாத ரிட்டயர் மெண்ட என்ற வார்த்தையை பயன்படுத்தி வீட்ட்டுக் அனுப்பினீர்கள்.

உங்களாலும் உங்களைச் சார்ந்தவர்களாலும் அடிக்கடி நினைவு கூறப்படுகிற தேவ்பந்த அரபுக்கல்லூரியில் ஆசிரியர்களை மாணவர்கள் தங்கள் கைகளில் ஏந்திக் கொண்டு வந்து வகுப்பறையில் உட்கார வைப்பதையும் அவர்களது வாயுக்கு நேரே மைக்கை வைத்து அதன் வழியாக பாடம் கேட்கும் நடை முறை இருப்பதையும் நீங்கள் அறியாமல் போனதென்ன? உங்களது ஊர்க்கார்ர் மொளாலான யாகூப் ஹஜரத் இன்னும் காஷிபுல் ஹூதா அரபுக்கல்லூரியில் நாஜிராக தொடர்வதையும் நீங்கள் உணராமல் போனதேன்ன?

நீங்கள் ஜாமியா அல்பாகியாத்தின் பேராசிரியர்களை உங்களது தோல்மண்டியின் துப்புறவுப் பணியாளர்களைப்போல நட்த்துகிறீர்கள் என்பதை மர்ஹ்ம் கமாலுத்தீன் ஹ்ஜரத் அவர்கள் தங்களிடம் நேரடியாக குறிப்பிட்டிருப்பதை நீங்கள உணரவே இல்லை போல தெரிகிறது.

இந்த ஆண்டு அல்பாகியாத்தின் இரண்டு மரியாதைக்குரிய உஸ்தாதுகளை பணி நீக்கம் செய்துள்ளீகள். மொலானா சலீம் ஹ்ஜ்ரத், மௌலானா முஹ்தார் ஹ்ஜ்ரத் ஆகிய இருவரும் தகுந்த காரண்ம் இன்றி உங்களால் நீக்கப்பட்டுள்ளார்கள். இதில் ஒருவர் மூத்த ஆசிரியர்ர், மற்றொருவர் உயர் வகுப்புகளுக்கு பாட்ம் நட்த்துகிறவர். பாகியாத்தில் தற்போது உங்களாலும் உங்களைச் சார்ந்தவர்களாகும் திணிக்கப்பட்டுள்ள தகுதி அற்ற பலரையும் விட தரத்திலும் தகுதியிலும் உயர்ந்தவர்கள் பத்து ஆண்டுகளுக்கும் மேலாக பணியாற்றியவர்களை உங்களது வீட்டு வேலைகார்ர்களை விட கேவலமாக நட்த்தியுள்ளிர்கள்.

முஹதார் உஸ்தாது உங்களது வீட்டை தேடி வந்து நீங்கள் தூங்கி எழும் வரை காத்திருந்து உங்களை சந்தித்து “ என் பிள்ளைகள் இங்குள்ள பள்ளிக் கூடங்களில் படிக்கிறார்கள். அவர்களை நான் திடீரென வேறு ஊருக்கு மாற்ற முடியாது ஆக்வே இந்த ஒரு வருட்த்திற்கு இங்கு பணியாற்ற அனுமதியுங்கள் என்று கேட்ட போது “யாரை கேட்டு உங்களது பிள்ளைகளை இங்கு கூட்டிட்டு வந்தீங்க!”பாகியாத் நிரந்தரம்னு நெனச்சீங்களா? என்று கேட்டுள்ளீர்கள்.

செயலாளர் அவர்களே! மேல்விஷாரத்தின் மலிக்கான உங்களிடமிருந்து பிர் அவ்னிய அகம்பாவத்தில் இந்தச் சொற்கற்கள் வெளியாகி உள்ளன.

எங்களுக்கு சோறு போட்டீர்கள் என்பதற்காக எங்களுக்கு தீனை கற்பிக்கிற உஸ்தாதுகளிடம் நீங்கள் இவ்வாறு நட்ந்து கொள்வதை இனியும் பொறுத்துக் கொள்ள முடியாது.

மறந்து விடாதீர்கள்! துன்யாவை நிரந்தரமானது என்று கருதியா நீங்கள் சொர்க்கத்தை போல மாளிகை கட்டி அதில் வாழ்கிறீர்கள்?

நல்ல வேளை. என்னை கேட்டா புள்ள பெத்தீங்க என்று கேட்காமல் விட்டீர்கள். அந்த அளவில் தமிழ் பேசும் ஆலிம்களின் மானம் தப்பித்தது.

தங்களுடை இந்த பேச்சும் நடவடிக்கையும் எங்களையும் எங்களை போன்ற தமிழக மற்றும் கேரள ஆலிம்களை பெரிதும் பாதித்துள்ளது. ஆழ்ந்த மனவருத்த்தை கொடுத்துள்ளது.

ஆக்வே! தகுந்த காரணமில்லாமல் வெளியேற்றப் பட்டுள்ள உஸ்தாதுகளை மீண்டும் உடனடியாக பணியில் சேர்க்குமாறு மிக்க அன்புடனும் பணிவுடனும் உங்களை கேட்டுக் கொள்கிறோம்.- பிச்சை போடுகிற மாதிரி இல்லாமல் மனிதாபி மானத்துடனும் மரியாதையுடனும் அவர்கள் விச்யத்தில் நட்ந்து கொள்ளுமாறு உங்களை கேட்டுக் கொள்கிறோம்.

இப்போதைக்கு தமிழக்ம் முழுக்க பரவியுள்ள பாகவிகள் ஒரு சிலரின் கோரிக்கை இது. நாங்கள் மொத்தமாக உங்களது வீட்டுக்கு முன் – அல்லது பாகியாத் பற்றிய முடிவுகளை தீர்மாணிக்கிற காஷிபுல் ஹுதா அரபிக்கல்லூரிக்கு முன் - திர்ண்டு வந்து ஒரு அழுகைப் போராட்ட்த்தை நட்த்தினால் தான் உங்களது மனம் இரங்கும் என்றால் அதற்காகவும் நாங்கள் தயாராக இருக்கிறோம் எனபதை தெரிவித்துக் கொள்கிறோம்.

அல்லாஹ் நம் அனைவருக்கும் நேரிய வ்ழையையும் அதன் படி செயல்படும் வாய்ப்பையும் தந்தருள்வானாக!

தங்களன்புள்ள

1
எண் பெயர் முகவரி பட்டம் பெற்ற் ஆண்டு கையொப்பம்
1 மொள்லவி அப்துல் அஜீஸ் பாஜில் பாகவி
இமாம், கரும்புக்கடை பள்ளிவாசல், கோவை
போன்: 1986

2011- ஜாமியா அல்பாகியாத்திலிருந்து நீக்கம் செய்யப்பட்ட உஸ்தாதுகளை மீண்டும் பணியில் சேர்க்குமாறும் உஸ்தாதுகளை பணியில் சேப்பதிலும் நீக்குவதிலும் பாக்கியாத்தின் பாரம்பரிய அணுகுமுறைகளை கடைபிடிக்குமாறு நாங்கள் கோருகிறோம்.

We request that the proffessors dissmissed from jamia al baqiyathus salihath in sep 2011 be reinstated immidiatly and we also humbly request you to follow the procedures and ruls of laid down by baqiyathus salihath in appointing and dissmising of the proffessors in future.

Name & Address Year of passing Signatur

ஒரு முக்கிய அறிவிப்பு

2011-01-17T09:11:00.000-08:00

அன்பான நண்பர்களே!
2009 மார்ச் மாதத்தில் மதுரையில் நடைபெற்ற பயிற்சி முகாமிற்கு பிறகு பெரிய அளவில் நிகழ்ழ்சி எதையும் லிபாஸ் நடத்தவில்லை என்ற மன்க்குறை உங்களைப் போலவே எங்களுக்கும் உள்ளது. சந்தர்ப்ப சூழ்நிலைகளும் பணிப்பளுவும் தான் காரணம். இன்ஷா அல்லாஹ் விரைவில் ஆலிம்களுக்கு பயனுள்ள ஒரு நிகழ்ச்சிக்கு திட்டமிட்டு வருகிறோம். நிகழ்ச்சி இறுதி வடிவம் பெற்றவுடன் தெரிவிக்கிறோம்.
அல்லாஹ் போதுமானவன்

2009-02-23T03:18:00.000-08:00

லஜ்னத்துல் இர்ஷாத் பாகவி ஆலிம்கள் சங்கம் (லிபாஸ்)
ஒரு நாள் பயிலரங்கு
"முஸ்லிம் சமூகத்தில் பிரிவினைச் சக்திகள் - அவர்களை எதிர் கொள்ளும் வழிகள் என்ற தலைப்பில்" ஆலிம்களுக்கான ஒரு நாள் பயிற்சி முகாம் இன்ஷா அல்லாஹ் வருகிற மார்ச் 17 ம் தேத்தி செவ்வாய்கிழமை காலை 9:30 மணியளவில் மதுரை அன்னாநகரரில் உள்ள ஸ்டார் பார்க் கல்யாண மஹாலில் வைத்து நடைபெற உள்ளது. இந்நிகழ்சியில்
திருவனந்தபுரம் ஜாமியா பலாஹிய்யா அரபுக்கல்லூரி முதல்வர் , வேலூர் பாக்கியாத்தின் முன்னாள் பேராசிரியர் பையலூர் செய்யது முஸ்தபா அவர்கள் பிரதானமாக கலந்து கொண்டு சர்ச்சைக்குரிய விசயங்களில் நமது தரப்பிற்கான சான்றுகள் என்ன? எப்படி? என்ற தலைப்பில் கருத்துக்களை பகிர்ந்து கொள்கிறார். இது தவிர பிரிவினை வாதிகளை எதிர் கொள்ளும் நடைமுறை உத்திகள் குறித்தும் அவர்களுடை முரண்பாடுகள் பற்றியும் தகவல்கள் பறிமாறிக் கொள்ளப்பட இருக்கின்றன.
அண்ணல் அஃலா ஹஜ்ரத் நினைவு விழா
அன்று மாலை தென்னிந்தியாவின் மார்க்கக் கல்விக்கு தன்னிகரற்ற சேவை செய்த அண்ணல் அஃலா ஹஜ்ரத அவர்களின் நினைவு விழா பாகவிகள் சந்திப்பு "தென்னிந்திய முஸ்லிம்களின் வாழ்வில் அண்ணல் அஃலா ஹஜ்ரத் அவர்களின் தாக்கம்" என்ற தலைப்பிலான கருத்தரங்கமாவும் நடைபெற இருக்கிறது. இந்நிகழ்சியில் வேலூர் அல்பாகியாதுஸ்ஸாலிஹாத்தின் முன்னாள் முதல்வர் , பி.எஸ்.பி ஜைனுல் ஆபிதீன் ஹஜ்ரத் உள்ளிட்ட பெருந்தகைகள் பலரும் கலந்து கொள்கிறார்கள்.
ஆர்வமுள்ள ஆலிம்கள் அனைவரையும் அன்புடன் வரவேற்கிறோம்.
உங்களுக்கான வசதிகள் செய்வதற்கு வசதியாக உங்களது வருகையை மார் 15 க்குள் அலை பேசி வழியாக பதிவு செய்யுமாறு அன்புடன் கேட்டுக் கொள்கிறோம்.
நிகழ்சியில் மர்ஹூம் கமாலுத்தீன் ஹஜ்ரத் வாழ்கை ஒரு வகுப்பறை நூல் வெளியிடப் படும் (இன்ஷா அல்லாஹ்) ph: 9443979187

ஆலிம்களுக்கு முக்கிய அறிவிப்பு

2008-10-05T14:03:00.000-07:00

2008 அக்டோபரில் மதுரையில் நடத்த திட்டமிடப் பட்டிருந்த அஃலா ஹஜ்ரத நினைவி விழா ஆலிம்களின் வசதி கருதி முஸ்லிம் சமுதாயத்தில் பிர்வினைச் சக்திகள் அவர்களை எதிர் கொள்ளும் வழிகள் என்ற தலைப்பிலான ஒரு பயிலரங்கோடு இன்ஷா அல்லாஹ் விரைவில் மற்றொரு தேதியில் நடை பெறும். தேதி பின்னர் அறிவிக்கப் படும்.

ஆலிம்கள், சமுதாயப் பிரமுகர்கள், இஸ்லாமியப் பெருமக்கள் அனைவருக்கும் ஈதுல் பித்ர் நல் வாழ்த்துக்கள்.

சிகரத்தை நோக்கி - லிபாஸ் சேலம் பயிலரங்கு

2008-05-15T18:23:00.001-07:00

' நான் பள்ளிவாசல் இமாம் பேசறேன்.. இன்டெர்நெட் கத்துக்கணும் எப்ப வரட்டும்? இரவு பத்துமணிக்கு அலைபேசியில் வந்த இந்த திடீர் கோரிக்கை ஒரு இன்ப அதிர்ச்சியாக இருந்தது. இப்போதைக்கு பல ஆலிம்கள் கம்ப்யூட்டர் படிக்க தயாராகிவிட்டார்கள் என்பதல்ல படித்துக் கொண்டிருக்கிறார்கள் என்பதே தகவல்.இளம் மற்றும் முதிய ஆலிம்களிடம் எப்படி இந்த திடீர் மாற்றம்?
அந்த அரபுக் கல்லூரி உஸ்தாதுக்கு வயது அறுபதுக்கும்மேல் இருக்கும். ஈரோடு ஜமாஅத்துல் உலமாவின் எழுச்சி மாநாட்டில் சந்தித்தபோது அவர் என்னிடம் கேட்ட முதல் கேள்வி தம்பி... கம்ப்யூடடர் வாங்கணும். எது வாங்குனா நல்லா இருக்கம்? நெறயா கிதாபுகள் சிடியில் வந்துக்ருகாமே? இது போன்ற விசாரிப்புகள் தொடர்ந்து கொண்டிருக்கிறது.
ஆம் 12-12-2008 அன்று சேலத்தில் பாக்கவி ஆலிம்கள் சங்கமம் (லிபாஸ்) நடத்தியா ஒருநாள் பேச்சுத்திறன் மேம்பாட்டு பயிற்சியில் அளிக்கப்பட்ட 'இணைய தளங்களில் இனிய பயன்கள் என்ற இன்டெர்நெட் பயிற்சி இந்த உரையாடல்களுக்கு மூலதனம்.
சுமார் ஐநூறுக்கும் மேற்பட்டோர் அதிரடியாக கலந்துகொண்ட அந்தப் பயிலரங்கு ஆலிம்களின் ஒரு சரியான நகர்வை அடையாளப் படுத்தியது. பலதரப்பு ஆலிம்களிடமும் தாங்கள் சம காலத்தின் தேவைகளுக்கும் முன்னேற்றத்திற்கும் ஏற்ப தங்களை மென்மேலும் மேம்படுத்திக் கொள்ள வேண்டும் என்தற்கான ஆர்வாம் அலாதியாக வெளிப்பட்டதை வெளிப்படையாகவே காண முடிந்தது. அதனால்தான் அவர்கள் தொலைதூரங்களை, குறித்த நேர உணவுகளை சொந்த செலவுகளை பொருட்படுத்தவில்லை தனக்கு ஏற்பட்ட சிரமங்களை (முழுமையாக ஏற்றுக்கொண்டார்கள் பேரவையின் செயல்பாடுகளைப் பற்றி மட்டுமே இன்றுவரை பேசிக்கொண்டிருக்கிறார்கள். எப்போது ஆலிம்கள் நிறைகளை பேச ஆரம்பித்தார்களோ அப்போதே அவர்கள் முன்னேற்றத்தின் முதல் படியை முத்தமிட ஆரம்பித்துவிட்டார்கள் .
பயிலரங்கின் நிகழ்ச்சி நிரல் பல பகுதிகளிலிருந்தும் வருகிற உலமாக்களின் காலத்தின் அருமை கருதி கச்சிதமாக திட்டமிடப்பட்டிருந்தது.
முதல் அமர்வில் உத்தமபாளையம் அப்துஸ் ஸமது அவர்கள் ஆலிம்கள் தங்களது ஜும்ஆ உரைகளை எப்படி இலக்கிய நயமாக மாற்றுவது என்பது குறித்து மிக எளிய நடையில் எடுத்துச் சொன்னார். எனக்கு பக்கத்திலிருந்த ஒரு இளம் ஆலிம் இலக்கியம்னா .. என்ன மோன்னு நினைச்சுக்கிட்டிருந்தேன். இவ்வளவு தான்னு லேசா சொல்லிட்டாரே! என்று சொன்னபோது முதல் உரையே ஆலிம்களை பயிலரங்குள் ஈர்த்து விட்டதை கண்டுகொண்டேன். வேறு பல பயிலரங்குகள்க்கு சென்றுள்ள நான் இந்தப் பயிலரங்கு எப்படி நடத்தப் படுகிறது. அது என்ன () விளைவை தருகிறது என்பதை கவனிப்பதிலேயே குறியாக இருந்தேன். பேராசிரியர் விருந்தாளியாக வந்து பேசிவிட்டு செல்லாமல் விரும்பி வந்து பாடம் நடத்திவிட்டுச் சென்றிருக்கிறார். மின்சாரம் தடை பட்ட போதும் அவரது வ்ரையிலிருந்த பவர் குறையவில்லை. பேச்சை முடித்துக் கொண்டு அவர் காரில் ஏறப் போன போது '' தமிழ் இலக்கியத்தை சுவைக்க நான் என்ன நூல்களைப் படிக்க வேண்டும்? என்று முதிய ஆலிம் ஒருவர் இடைமறித்துக் கேட்டது இப்போதும் என் நெஞ்சில் நிழலாடுகிறது.
இரண்டாம் அமர்வு, இட நெருக்கடிய தவிர்க்க முதன் முறையாக நாற்காலிகளை காரலி செய்துவிட்டு அந்த நானூறு பேரும் கீழே இறங்கி தரையில் அமர்ந்தார்கள். இடமின்மையால் சிலநூறு கால்கள் வெளியே நின்றுகொண்டிருந்தன.
இரண்டாம் அமர்வு ஆலிம்களுக்கு சில புதிய திசைகளை அறிமுகப்படுத்தியது. சேலம் பிரின்ஸ் பாரக்லீத் ஆலிம்களின் உள்ளங்களை கொள்ளை கொண்டு விட்டார் என்றே சொல்ல வேண்டும். சர்வதேச சுயமுன்னேற்ற பயிற்சியாளரான அவர் மிக எளிய முறையில் ஒரு தரமான மேடைப் பேச்சு எப்படி இருக்க வேண்டும் அற்புதமாக பயிற்சியளித்தார். ஆலிம்கள் இரு ஒண்ணற மணி நேரம் அவரது பயிற்சியில் கட்டுண்டு கிடந்தார்கள். எல அஸரத்துமார்களையே கட்டிப் போட்டுட்டாரிலே என்று ஒரு நெல்லைத் தமிழ் விமர்சனம் என் காதில் விழுந்தது.

தமிழகமெங்கும் கம்ப்யூட்டர் நிறுவனம் நடத்தும் பிரின்ஸ் பாரக்கலீத தமிழக உலமாக்களுக்கு சலுகைக் கட்டணத்தில் கணினி கற்றுத் தர முன் வந்த்துள்ளார்.
மூன்றாம் அமர்வில் ஈரோடு நைனார் ஹஜ்ரத் அவர்கள் சமுதாயப் பணியாற்றும் ஆலிம்களிடம் நிறைந்திருக்க வேண்டிய இறைவணக்கம், இறைதியானம், ஒழுக்கப் பண்புகள் குறித்து மிகுந்த அக்கறையோடு நினைவூட்டினார்கள். தன்னால தொடர்ந்து பேச இயாலாது சொல்லிவிட்டு திரளான ஆலிம்களை கண்ட ஆர்வத்தில் மிக எதார்த்தமாக ஹஜரத் அவர்கள் பேசிய அந்தப் பேச்சில் பாகியாத் அரபுக்கல்லூரியின் முன்னாள் ஆசிரியப் பெருந்தகைகளின் இறையச்சமும் பேணுதலும் மிக்க வாழ்க்கைச் செய்திகளை சொன்னபோது பலரது கண்களிலும் கண்ணீர்த்துலிகள் கட்டிநின்றன,
நான்காம் அமர்வு அதி அற்புதமானது. கோவை அப்துல் அஜீஸ் பாக்கவி இணைய தளங்களில் குர்ஆன், ஹதீஸ் பிக்ஹ், அகீதா, தப்சீர்களை பார்ப்பது எப்படி? உருது தமிழ் பயான்களை கேட்பது எப்படி? ஜூம்ஆ பயான்களுக்கு தேவையான குறிப்புகளை எடுப்பது எப்படி? ஒரு தலைப்பில் இண்டர் நெட்டில் சாதரணமாக நாம் தேட முற்படுகிற போது எவ்வளவு அதி அற்பிதமான தகவல்களை விரல் சொடுக்கும் நேரத்தில் நான் பெற்றுக் கொள்ள முடிகிற என்று கூறிய ஜம் ஜம் குறித்து தான் தேடிய போது தன்க்கு கிடைத்த ஆச்சரியமான தகவல்களைப் பற்றி குறிப்பிட்டது பல்ருக்குள்ளேயும் நாளைக்கே கம்புயூட்டர் கீ போர்டில் கை வைத்து விட வேண்டும் என்ற ஆர்வத்தை வெளிப்படுத்து வதாக இருந்தது. அவர் சொன்ன ஒரு கருத்து மிக முக்கியமானது. பெரிய ஊர் சிற்றூர் என்ற வித்தியாசமில்லாமல் தெருமுணைகள் தோறும் இண்டர்நெட் மையங்கள் வந்துவிட்டன. அதைப் பார்க்கிற எந்த ஆலிமும் இது தனக்காவே திறக்கப் பட்டிருப்பதாக கருத வேண்டும். ஏனெனில் மற்றெவருக்கும் பயன்படுவதைவிட அதிகமாக அது அவருக்கு பயன்படும் என்றார் அவர். ஆலிம்களின் சில சந்தேகங்களுக்கு பதிலளித்த அவ்ர் இணையத்தில் ஆங்கிலத்தில் மட்டுமல்லாது அரபி உருது தமிழ் மொழியிலும் ஏராளமான இணையத்தளங்கள் இருப்பதை எடுத்துக் கூறினார். அரபி, தமிழ் மொழிகளிலும் விசயங்களை தேடி எடுத்துக் கொள்ள முடியும் என்பதையும் தெளிவுபடுத்தினார். நேரமின்மை காரணமாக குறைந்த கால அளவிலே நிகழ்சி முடிக்கப் பட்டதால் ஆலிம்களின் கம்ப்யூட்டர் சம்பந்தமான வேறு பல கேளிகளுக்கு வாய்ப்பளிக்க முடியவில்லை. இது கம்ப்யூட்டர் பற்றிய அடிப்படைப் ப்யிற்சி அல்ல என்று அவர் ஆரம்பத்திலேயே தெளிவுபடுத்திய போதும் பற்றி முதன் முறையாக கம்யூட்டர் பற்றி அறிகிற சிலருக்கு இன்னும் நிறை தெளிவுகள் தேவைப்பட்டது. இவ்வரங்கு கணினி அது தொட்டு விடும் தொடும் தூரத்தில்தான் என்ற என்ற உணர்வை பலருக்கும் ஏற்படுத்தியிருக்கிறது. இன்டெர்நெட் இணைப்புடன் கம்ப்யூட்டர் வாங்க பலரும் உறுதி பூண்டுள்ளனர். அதுவரை பலரும் இப்போது பிரவ்சிங் சென்டருக்குகள் அமர்ந்து கொண்டு தன் சந்தேகங்களுளை செல்போனில வழியே கேட்டுக் கொண்டிப்பதாக தகவல்.
இறுதி அமர்வாக, ஜும்ஆ பயன் வீணடிக்கப்படுகிறது என்ற குற்றச்சாட்டுக்கு காரணம் என்ன என்ற தலைப்பில் ஒரு விவாத அரங்கு நடைபெற்றது. பதினோறு காரணங்களை சொல்லி உலமாக்கள் தங்களை தாங்க்ளே பர்சீலித்துக் கொண்டது. மிக அருமையாகவும் சுவையாகவும் இருந்தது.
உரிய நேரத்தில் தயாரிக்க முயற்சிசெய்யாமல் கடைசீ நேரத்தில் உரை தேடுவது, , சமுதாய அக்கறையின்மை, மொழிவளமின்மை, லட்சியமின்மை, மனத்தூய்மையின்மை, குறிப்புத்தாள் இன்மை, பொறுப்பின்மை ஆதாரமின்மை நிர்வாகத் தலையீடு, வழிகாட்டுகிற அம்சங்கள் இன்மை ஆகிய இளம் ஆலிம்கள் கருத்துரை வழங்கியது அனைவரையும் சிந்திக்க வைத்தது.
ஆலிம்கள் சிரிப்போடும் அதே நேரத்தில் மிக எச்சரிக்க்கையோடும் தன்களைத் தாங்களே பழுத்து பார்த்துக்கொண்ட இவ்வரங்கு, இனிமேல் நிச்சயம் ஜும்ஆ உரைகளில் மாற்றத்தை கொண்டு வரவேண்டும் என்பதையே நோக்கமாக கொண்டிருந்தது. இவ்வரங்கில் சொல்லப் பட்ட சில தகவல்கள் அது பற்றி நினைக்கும் போதெல்லாம் அடக்கவியாலாத சிரிப்பையும் தேவையான எச்சரிக்கையையும் தந்து கொண்டிருக்கிறது, கடைசி நேர அவசரத்தில் குத்பா கிதாபுக்கு பதிலாக மய்பதி கிதாபை எடுத்துச் சென்றவர் பட்ட பாடு, சைத்தானுக்கு ரொட்டி தர்மம் செய்ய நேர்ச்சை செயதவரால் எற்பட்ட பிரச்சனை, வ அலல் மவ்லூதி லஹூ ரிஜ்குஹுன்ன என்ற வசனமும் தொடர்ந்து வ அலல் மூஸிஈ கத்ருஹு வ அலல் முக்திரி கத்ருஹூ வசனமும் ஆதாரமாக காட்டப்பட்டது, போன்ற பல விசயங்கள் அரங்கிற்கு சுவையூட்டிய செய்திகள். மற்ற ஏராளமான தகவல்கள் ஜுமா உரைகளை தரப்படுத்திக் கொளவதர்கான அக்கறையான விசயங்களாக இருந்தன. மைக் உட்பட மற்ற விசயங்களை காரணமாக பேசிக் கொண்டிராமல் தங்களைச் சார்ந்த விசயங்களையே அலசிக் கொண்டது முக்கியமாக கவனிக்கப் பட வேண்டிய அம்சமாக இருந்தது.
சேலம் உலமாக்கள் மற்றும் பிரமுகர்களின் உழைப்பும் உபசரிப்பும் நெகிழ்சிக்கும் பாராட்டுதலுக்கும் உரியது. தமிழக உலமாக்களுக்கு ஒரு திருப்திகரமான திருப்புமுனையான ஒரு பயிலரங்கை லிபாஸ் அமைப்பு வழங்குவதற்கு அவர்கள் மிகச்சிறந்த உதவிகளையும் ஒத்துழைப்பையும் வழங்கியதோடு நிர்பந்த சூழ்நிலைகலை சிறப்பாக அவர்கள் கையாண்டார்கள். உலமாக்களின் மிகுந்த ந்ன்றிக்குரியவர்கள் அவர்கள்.
தமிழகமெங்கம் இப்போதைய ஜும்ஆ பயான்களில் ஒருவித புதுமாற்றம் ஏற்பட்டிருப்பதை காதுகளால் கேட்க முடிகிறது. இதற்கான பெரும் பங்கு 'லிபாஸ் அமைப்பையே சாரும்

இந்நிகழ்சிக்காக நன்றி தெரிவிக்க லிபாஸின் செயலாளருடன் தொடர்புகொண்ட போது அது ஒரு பேட்டி போலவே அமைந்தது. அதை அப்ப்டியே இங்கு தருகிறேன்.

ஒரு புதுமையான ஆலிம்கள் மீது அக்கறை கொண்ட நிகழ்சியை வெற்றிகரமாக நடத்தினீர்கள்! மிக்க நன்றி.

அல்ஹம்துலில்லாஹ். சேலம் நகரில் இந்நிகழ்சிக்காக உழைத்த அத்துனை ஆலிம்களுக்கும் அவர்களோடு தோளுரச உழைத்த சேலம் நகர பிரமுகர்களுக்கும் முதல் நன்றிக்குரியவர்கள். பொதுக் காரியத்திற்காக உழைப்பதை ஒரு இனிய அனுபவமாக அவர்கள் வைத்திருக்கிறார்கள், நிகழ்சி முடிந்து நாட்கள் பல ஒடிவிட்டன என்றாலும் சிந்தனை முழுக்க அவர்களது ஒத்துழைப்பும் உபசரிப்பும் ஒடிக்கொண்டிருக்கிறது. இரண்டாவதாக, தமிழகத்தின் அனைத்து பகுதியிலிருந்தும் திரளாக கலந்து கொண்ட ஆலிம்கள் ந்ன்றிக்குரியவர்கள். அதிகப் பட்சமாக இருநூற்றைம்பது நபரளுக்காக செய்யப் பட்டிருந்த ஏற்பாட்டை 500 க்கும் மேற்பட்டோர் பகிர்ந்து கொள்ள வேண்டிய நிர்பந்தம் ஏற்பட்ட போது அவர்கள் முகம் சுளிக்காமல் அதை ஏற்றுக் கொண்டு நன்றீ தெரிவித்து சென்றது நெகிழ்சியளித்தது, எங்களது அழைப்பை எற்று நிகழ்ச்சியை சிறப்பித்த நைனார் முஹம்மது ஹஜ்ரத், பேராசிரியர் அப்துஸ் ஸமத், அருமை சகோதரர் பிரின்ஸ் பாரகலீத் ஆகியோரும் லிபாஸின் பணிகளில் தொடர்ந்து ஆர்வமூட்டி வரும் நண்பர்களும் பிரமுகர்களும் மிகுந்த நன்றிக்குரியவர்கள்.

ஆலிம்களின் உன்னதமான அந்த சகிப்புத்தன்மை அனைவருக்கும் ஆச்சரியத்தை கொடுத்தது. சிறிய விசயத்திற்கொல்லாம் கோபப் படுபவர்கள் என்ற இமேஜ் காணாமல் போயிருந்தது. அது மட்டுமல்ல நாம் கற்க வேண்டிய பல விசயங்கள் உண்டு என்ற எண்ணமும் அதை கற்கும் அவர்களது ஆர்வமும் கூட புதுமையானதாக இருந்தது. இனி பல ஊர்களிலும் இது போன்ற நிகழ்ச்சிகள் நடக்கும் என்று எதிர்பார்க்கலாம். அது பற்றி என்ன நினைக்கிரீர்கள்.

வரவேற்கிறோம். அப்படி நடக்க வேண்டும் என்பது தான் எங்களது எண்ணமும், தமிழகம் முழுக்க ஏழாயிரம் ஆலிம்கள் இருகிறார்கள். பல் தகுதி வாய்ந்த அமைப்புக்கள் உள்ளன. அவர்கள் ஒவ்வொருவரிடமும் நாம் எந்த வகையில் பணியாற்ற முடியும் என்ற கேள்விய இந்நிகழ்ச்சி ஏற்படுத்தி இருக்கிறது.

இதே வகையில் செயல்பட விரும்புகிறவ்ர்ர்களுக்கு என்ன சொல்ல விரும்புகிறீர்கள்?

அவர்களுக்கு ஆலோசனைகள் சொல்லும் அள்வுக்கு நாங்கள் இன்னும்ம் வளரவில்லை. என்றாலும் சில கருத்துக்களை நட்பு முறையில் சொல்ல முடியும். ஈயடிச்சான் காப்பி என்பது போல நிகழ்சிகளை அமைக்க வெண்டியதில்லை. பல் வேறு பட்ட தளத்தில் வளர்ச்சிப் பணிகள் ஆற்ற வேண்டியிருக்கிறது. அதே போல கலந்து கொள்வோரின் பொன்னான காலத்தை கருத்தில்கொண்டு திட்டமிட்ட தர்மான நிகழ்சிகள் ஏற்பாடு செய்ய வேண்டும். ஆர்வக் கோளாரால் நிகழ்சிகள் ஏற்பாடு செய்யப் பட்டு அது இத்தைகைய முயற்சிகளை முணை மழுங்கச் செய்வதாக ஆகிவிடக் கூடாது.

நிகழ்ச்சி உங்களுக்கு முழு மன நிறைவை தந்ததா?

அதிக மகிழ்ச்சிதான், ஆனால் முழு நிறைவு என்று சொல்ல முடியாது.
எதனால் அப்படி?

ஒரு பயிலரங்கு என்பது ஒரு வழிப் பாதையாக மட்டும் இருக்கக் கூடாது, கலந்து கொண்டவர்களிடம் அந்த பயிலரங்கு ஏற்படுத்திய தாக்கம் குறித்து அப்போதே ஒரு டெஸ்ட் நடைபெற்றிருக்க வேண்டும். அதில் பயிலரங்கில் பேசப் பட்ட விசயங்களை எந்த அளவு உள்வாங்கியிருக்கிறோம் என்பது தெளிவாக வேண்டும். தனிப்பட்ட ஒவ்வொருவ்ரும் தான் என்ன மாற்றத்திற்கு தயாராக வேண்டும் என்பதை அறிய வேண்டும் அப்போது தான் பயிலரங்கு முழுமையடையும்.

அது நடை பெறாததற்கு என்ன காரணம்?

இது முதல் நிகழ்சி என்பது தான் முதல் காரணம். கலந்து கொண்டோரின் எண்ணிக்கை அதிகமாக இருந்ததும் கடைசி நேர நெருக்கடிகளும் திட்ட்மிட்டிருந்தவற்றை முழுமையாக தர முடியாமலாகிவிட்டது.

ஜும்மா உரைத் தொகுப்பு எதிர்பார்த்த அளவு இல்லையே?

அது வாஸ்த்தவம் தான். எந்த அமைப்பில் உரைக் குறிப்பு தருவது என்பதில் எங்களுக்கு சில பிரச்சினைகள் ஏற்பட்டது. அப்படியே போய் வாசித்து விடலாம் என்ற அமைப்பில் இருக்கக் கூடாது. உரையாற்றுபவருக்கு ஒரு உதவியாக அவரது சிந்தனைகளை தூண்டி அவராகவே ஒரு தயாரிப்புக்கு தயாராகும் அளவு வரவேண்டும் என்பதை அட்ப்படையாக வைத்திருந்தோம். ஒரு வருடத்திற்கான உரையை ஜெராகஸ் பிரதியாக சுமார் 150 பேருக்கு வழங்குவது என்று திட்டமிட்ட போது ஒரு உரை ஒரு பக்கத்துக்குள் அமைய வேண்டும் என்று திட்டமிட்டோம். அந்த சுருக்க நடவடிக்கை சில இட்ங்களில் ஒரு இருண்மை ஏற்பட காரணமாகிவிட்டது. அது போல பல மூத்த ஆலிம்களின் ஜும்ஆ உரைகள் கடைசி நேரத்தில் எற்பட்ட சில தொழில்நுட்பச் சிக்கலால் இடம் பெறச் செய்யமுடியவில்லை. ஆயினும் சந்தர்ப்ப சூழ்நிலைக் கேற்ற வாறு தேடிக்கொள்ள உதவும் பல தலைப்புக்கள் அதில் உண்டு. ஒரே மாதிரியான போங்கைத் தவிர்த்து வித்தியாசமான ஒரு சில கண்னோட்டத்தையும் அதில் பார்க்கலாம். இந்தக் குறிப்புக்களை சீர்படுத்தி விசேஷ காலங்களுக்குரிய உரைகளையும் சேர்த்து ஒரு புத்தகமாக அச்சிடும் திட்டம் இருக்கிறது.

ஆலிம்களின் ரெஸ்பான்ஸ் எப்படி இருக்கிறது?

ஒவ்வோரு வாரமும் உரைத்தயாரித்தவர்களுக்கு தொலபேசி வழியான விசாரிப்புக்கள் வந்து கொண்டுதான் இருக்கிறது. முழு தொகுப்பாக இருக்கவேண்டும் என்று நினைத்தவர்கள் கூட எங்களது கருத்து சரியானது தான் என்று ஒத்துக் கொண்டார்கள், அது ஆரோக்கியமான ஒரு விமர்சனாமாக இருந்தது. இதில் ஒரு ஆச்சரியம் என்னவென்றால் விமர்சனங்களை சொல்பவர்கள் கூட எதோ நல்லது செய்யனும் என்று முன்வதிருக்கிறார்கள் அவர்களை குறை சொல்லக் கூடாது என்ற உணர்வோடு கருத்துக் கள் சொன்னது வியப்பளித்தது,

லிபாஸைத் தொடர்ந்து மற்ற சிலரும் ஜும் ஆ உரைத்த் தொகுப்புக்கள் வெளியிடத் திட்டமிட்டிருக்கிறார்களே!

எங்களது எண்னம் பெரிதும் வெற்றியடைந்த விசயம் அது. உருதுவில் ஏராளமான குத்பாத் தொகுப்புக்கள் இருக்கின்றன. தமிழிலிலும் அது போன்ற் தொகுப்புக்கள் வர வேண்டும், தகுதியான பல உலமாக்கள், அவர்கள் தேடித்திரட்டிய உரைத் தொகுப்புக்களை வருங்கால தலைமுறைக்கு உதவும் வகையில் வழங்க முன்வர வேண்டும், காலம் கடந்து அவர்கள் வாழ அது உதவும். உருதுவில் இருக்கிற சில குத்பா தொகுப்புக்கள் மிக சாதரணாமான தகவலகளை கொண்டவையாக இருக்கின்றன.ஆயினும் அவை கூட சமசந்தர்ப்பத்திற்கு உதவுகிறது. நம்முடைய தமிழ் உலமாக்கள் பலரின் உரைக் குறிப்புக்கள் தொகுத்து வழங்கப் பட்டால் அது அற்ப்தமான தொகுப்பாக இருக்கும். இந்த வகையில் அவர்கள் ஊக்கம் பெற் வேண்டும் என்பதே எங்களது பிரதான நோக்கம். அத்தகைய முயற்சிகள் மேற்கொள்ளப் படுமானால் உலமாக்களின் பேரதவு அதற்கு கிடைக்கும் என்பதை லிபாஸின் இந்தக் கூட்டம் சந்தேகத்திற்கிடமில்லாமல் தெரிவித்து விட்டது. ஜுமா உரைகளை முழுமையாக வரிவடிவில் தருவது என்று யோசித்தால் அது சாத்தியப் படாமல் போகலாம். அதனால் ஜும் ஆ உரைகளை, விளங்கிக் கொள்ளத்தகுந்த குறிப்புக்களின் வடிவத்தில் கொடுப்பது யாருக்கும் மிக எளிதானது. உரைக் குறிப்புக்களை முழு உரையாக் வழங்க வேண்டும் என்று பல்ரும் எண்ணியதே தமிழில் குத்பாத் தொகுப்புக்கள் வெளிவருவதற்கு பெரும் தடையாக இருந்தது. இப்போது ஒரு மாடல் கிடைக்கிருப்பதாக பல்ரும் சொன்னார்கள். இந்த வடிவில் இன்னும் கொஞ்சம் மெருகூட்டி நாமும் வழங்களாமே என்ற எண்ணம் பலருக்கும் ஏற்பட்டிருக்கிறது. இந்தக் கருத்தை ஆலிம் சமுதாயத்திற்கு தெரிவிக்க நினைத்தோம். அது போய்ச் சேரவேண்டிய இடத்தை சென்றடந்து விட்டது. இனி இதில் ஆரோக்கியமான போட்டி ஏற்பட்டால் அது கூட வரவேற்கத் தக்கது தான், லிபாஸ் இனி வரும் ஆண்டுகளிம் ஆல்ம்களின் தனித்தனியான உரைக் குறிப்புக்களை வெளிக் கொண்டு வரும். (இன்ஷா அல்லாஹ்)

அந்த் சி டி?
பயிலரங்கில் கல்ந்து கொண்டவர்களுக்கு வழங்கப் பட்ட சி டி “வோர்ட்” “பிடிஎப்” வடிவிலான பல பயன்மிகுந்த மின்னணு கிதாபுகளை கொண்டது, அதை கம்ப்யூட்டரில் தான் பார்க்க முடியும். இந்நிகழ்ச்சிக்கு பிறகு கம்ப்யூட்டரை சொந்தமாக வாங்கிய ஒரு மௌலவி அரரஹீக்குள் மக்தூம் நூலை அதில் பார்த்து விட்டு. ஹஜ்ரத் எதோ சில பக்கங்கள மட்டும் கொடுத்திருப்பீர்கள் என்று நினைத்தான் கிதபு முழுசா இருக்கே ரொமப ஆச்சரியாம இருந்துச்சு என்றார். கம்ப்யூட்டரோடு தொடர்புள்ள பல நண்பர் சி டி அபாரம் என்று பாராட்டினார்கள். இவ்வளவு கிதபுகளும் இண்டெர்நெட்டில் இலவசமாக கிடைக்கிறது என்பதை தெரிவிப்பதற்காகவே ஆலிம்களுக்கு இந்த சி டியை வழங்கினோம்.

லிபாஸ் பாகவிகளுக்கு மட்டுமே உரியதா?

இந்தக் கேள்விக்கு மிக்க நன்றி. பாகவிகள் சம்பந்தப் பட்ட் சில தனிப்பட்ட கவலையின் காரணாமாகவே லிபாஸ் துவங்கட்டது. அந்த வகையில் அதற்கு சில திட்டவட்டமான நோக்கங்களும் செயல் திட்டங்களும் உண்டு, ஆனால் ஆலிம்கள் முன்னேற்றம் மற்றும் நலன் சார்ந்த விசயங்களில் அது அனைத்து ஆலிம்களுக்கும் பொதுவான நன்மை யோசிக்கவும் செயல் படுத்தவும் கூடியது, தன்னை யாரிடமிருந்தும் பிரித்துப் பார்க்கும் எண்ணம் லிபாஸிற்கு இல்லை, அது போல யாரும் தன்னைப் பிரித்துப் பார்க்க வேண்டாம் என்று லிபாஸ் அனைவரையும் கேட்டுக் கொள்கிறது,

லிபாஸின் அடுத்த திட்டம்?
வருகிற ஜீலை மாதம் 1 ம் தேதி செவ்வாய்கிழமை அன்று திருநெல்வேலியில் தலைமை பண்பு பயிற்சி முகாம் நடத்த திட்டமிட்டிருக்கிறோம்.(இன்ஷா அல்லாஹ்) காலை 6.30 மணிக்கு உடற்பயிற்சியில் தொடங்கி தமிழக முஸ்லிம்களின் உட்பிரிவு ச்ச்சரவுகளை சமாளிக்கும் வழி முறை தொடர்பான ஆலிம்களின் விவாத அரங்கோடு மாலை 6 மணிவரை நடைபெற இருக்கிறது. தலைமைப் பண்புப் பயிற்சி, பல் சமய அறிமுகம், இந்திய சமூகத்தில் முஸ்லிம் தலித் உறவு, தமிழக முஸ்லிம் சமுகத்தில் பெண்களின் நிலை ஆகிய தலைப்புக்கள் சார்ந்து உரைகளும் விவாதங்களும் நடத்த திட்டமிடப் பட்டிருக்கிறது. தீர்வுகளும் வழிகாட்டுதல்களும் ஆராயப் பட இருக்கின்றன.

இதில் அனுமதி எப்படி?

நிகழ்சிக்கான அறிவிப்பு வெளியான பிறகு பதிவு செய்து கொள்ளும் ஆலிம்களுக்கு மட்டுமே அழைப்பிதழ் அனுப்பப் படும், அழைப்பிதழ் உள்ளவர்களுக்கு மட்டும் தகுந்த வசதிகள் செய்து தரப்படும்,
லிபாஸின் மற்ற பணிகள் ?
லிபாஸ் தனது சில அடிப்படை அம்சங்களில் கவனம் செலுத்த வேண்டியுள்ளது, முதலாவதாக தமிழகம் முழுவதிலும் இப்போது வாழ்ந்து கொண்டிருக்கிற பாகவிகள் பற்றிய தக்வல்களை திரட்ட உள்ளோம், தற்போது சுமார் இருநூறு பாகவிகள் பற்றிய தகவல்கள் இண்டெர்னெட்டில் வெளியிடப் பட்டுள்ளது. மற்றவகளைப் பற்றிய தகவல்களை திரட்டிக் கொண்டிருக்கிறோம், libas07.blogspot.com இணய தளத்தில் தமிழக பாகவிகள் பட்டியல் மாவட்ட வாரியாக தரப்பட்டுள்ளது. இது எங்களிடமிருக்கிற தற்போதைய தகவல்களை கொண்டு தயாரிக்கப் பட்டது. இன்னும் நிறைய திரட்ட வேண்டியிருக்கிறது. இது முழமையடைய ஆலிம்களுடைய ஒத்துழைப்பை எதிர்பார்க்கிறோம். இன்ஷ அல்லாஹ் வருகிற அக்டோபர் முதல் வாரத்தில் அண்ணல் அஃலா ஹஜ்ரத் நினைவு விழாவை மதுரையில் நடத்த திட்டமிட்டிருக்கிறோம். அதில் தென்னிந்திய முஸ்லிம்களின் வாழ்வில் அஃலா ஹஜ்ரத் அவர்களின் மார்க்கப் பணியின் தாக்கம் குறித்து ஆய்வுக் கருத்தரங்கு நடைபெற இருக்கிறது. அதன் தொடர்ச்சியாக தமிழகத்தில் பாகவிகளின் சமய சமுதாயப் பணிகளை திரட்டவும் ஆய்வு செய்யவும் எண்னியிருக்கிறோம். இந்தப் பணிகளை செவ்வனே நிறைவேற்ற உங்களது துஆ வையும் நல்ல ஆலோசனைகளையும் தாருங்கள்.

2008-02-17T07:26:00.000-08:00

2008-02-17T07:22:00.000-08:00

2008-02-17T07:14:00.000-08:00

2008-02-17T07:07:00.000-08:00

சேலம் பயிலரங்கு

2008-02-16T00:14:00.000-08:00

அலாஹ்வின் கிருபையால் 12 சேலம் பயிலரங்கு வெற்றிகரமாக நடந்தேறியது. எதிர் பார்த்ததை விட அதிகமான உலமாக்கள் ஆர்வத்துடன் கலந்து கொண்டனர். கூட்டம் அதிமாக இருந்த காரணத்தால் ஏற்பட்ட சிரமங்களை உலமாக்கள் முகம் சுளிக்காமல் ஏற்றுக் கொண்டது லிபாஸ் குழுவினரை பெரிதும் நெகிழ்ச்சியடையச் செய்த்து. மற்ற விபரங்கள் தொடர்ந்து வரும் இன்ஷா அல்லாஹ்.

12.2.2008 - சேலம் பயிலரங்கு

2008-01-06T18:55:00.000-08:00

இன்ஷா அல்லாஹ் வருகிற பிப்ரவரி பணிரெண்டாம் தேதி செவ்வய்க் கிழமை காலை ஒன்பது மணிமுதல் மாலை வரை சேலம், கோரிமேடு (ஏற்காடு ரோடு) கே.வி.மன்ஜிலில் இளம் ஆலிம்களின் சொற்பயிற்சித்திறனை மேம்படுத்தும் நோக்கில் தமிழகம் தழுவிய ஒரு நாள் பயிற்சி முகாமுக்கு ஏற்பாடு செய்யப் பட்டுள்ளது.
இந்நிகழ்சியில் சொற்பயிற்சித்திறன் மேம்பாடு குறித்த பல் வேறு அம்சங்கள் விளக்கப்பட உள்ளன. குறிப்பாக வெள்ளி மேடை உரைகளை தரமாகவும் ஓரேமாதிரியாகவும் அமைத்துக்கொள்வதற்கான வழிவகைகளை ஆய்வு செய்வதுடன், உருதுவில் இருப்பது போல சிறப்பாக உரையாற்றுவோர் தங்களது உரைத்தொகுப்புக்களை எழுத்து வடிவில் கொண்டு வர ஆர்வமூட்டி அதற்கான ஆவணங்களை மேற்கொள்ளவும் திட்டமிடப்பட்டுள்ளது. அதனுடைய முதல் முயற்சியாக தமிழகத்தில் சிறப்பாக சொற்பொழிவாற்றும் பிரபலமான ஆலிம்களின் ஜும் ஆ உரைக்குறிப்புக்களின் ஒரு ஆண்டுக்காண தொகுப்பை வழங்குவதற்கு ஏற்பாடு செய்யப்பட்டுள்ளது. அத்துடன் தகவல்களை திரட்டிக் கொள்ள உதவுகிற இணய தளங்களை அறிமுகப்படுத்தவும் இணையப் பயன்பாட்டில் ஆர்வமுட்டவும் திட்டமிடப் பட்டுள்ளது.
இப்பயிலரங்கில் கலந்து கொள்வோருக்கு மின்னணு கிதாபுகளின் குறுந்தகடு ஒன்றை வழங்குவதோடு, அவர்களுக்கு மின்னஞ்சல் முகவரி ஒன்றை ஏற்படுத்திக் கொடுத்து அதன் வழியாக குழு கலந்துரையாடலுக்கும் விரைவான தகவல் பரிமாற்றத்திற்கும் ஏற்பாடு செய்ய திட்டமிடப்பட்டுள்ளது.
ஆர்வமுள்ள ஆலிம்கள் அனைவரும் பிப்ரவரி 12 ம் தேதி செவ்வாய்க் கிழமைய முழுவதுமாக ஒதுக்கி இப்பயிலரங்கில் கலந்து பயன்பெற வருகை தருமாறு அன்புடன் அழைக்கிறோம்.
இப்பயிலரங்கில் கலந்து கொள்ள விரும்புவோர் தகுந்த முன்னேற்பாடுகளை செய்து கொள்வதற்கு வசதியாக 8.2.2008 க்குள் தங்களது வருகையை பதிவு செய்து கொள்ளுமாறு கேட்டுக்கொள்ளப் படுகிறார்கள். பதிவுக்கட்டணம் ரூ 50. பதிவுக் கட்டணத்தை நிகழ்சியின் போது செலுத்தினால் போதுமானது.
நிகழ்சிக்கான ஏற்பாடுகளை சேலம் மௌலவி அபூதாஹிர் பாகவி (பேச: 9443771520) அவர்களும் மதுரை பீர் முஹம்மது பாகவி (பேச: 9443979187) அவர்களும் செய்து வருகிறார்கள்.மேல்விவரம் வேண்டுவோர் இவர்களை தொடர்பு கொள்ளவும்.
இப்படிக்கு
மௌலவி,அ.அப்துல் அஜீஸ் பாகவி
(லிபாஸிற்காக)

தொடக்க விழா தீர்மாணங்கள்

2007-11-06T07:22:00.000-08:00

அல்லாஹ்வின் கிருiபாயல் கடந்த 11.07.07 . புதன் அன்று மதுரை சர்வேயர் காலனி முனவ்வரா கல்வி வளாகத்தில் நடைபொற்ற லஜ்னத்துல் இர்ஷாத் பாகவி ஆலிம்கள் சங்கமம் தொடக்க விழா அண்ணல் அஃலா ஹஜ்ரத் அவர்கள் நினைவு விழா கூட்டத்தில் இயற்றப்பட்ட தீர்மாணங்கள்.
இஸ்லாம் எனும் சத்திய நெறியை சளைக்காமல் போதிக்கவும் சுன்னத்தை பின்பற்றி பித்அத்களை களைவும் அண்ணல் அஃலா ஹஜ்ரத் அவர்களின் வழிகாட்டுதலக்கு ஏற்ப உற்சாகத்தோடும் ஊக்கத்தோடும் செயலாற்றுவது என லஜனத்துல் இர்ஷாத் உறுதி ஏற்கிறது.
தென்னிந்தியாவில் தீன் பயிர் வளரவும் செழிக்கவும் உழைத்த அண்ணல் அஃலா ஹஜ்ரத் அவர்களுக்கும் அவர்களுக்கு துணை நின்ற பெரியோர்களுக்கும், உதவியாக இருந்த புரவலர்களுக்கும் லஜ்னதுல் இர்ஷாத் தனது மனமார்ந்த நன்றியை காணிக்கையாக்கி, அன்னார்களது பிழைகளை மன்னித்து உயர்ந்த மறுமைப் பேற்றை அவர்களுக்கு வழங்குமாறு வல்ல நாயனை இக்கூட்டம் உள்ளம் உருக இறைஞ்சுகிறது.
அல்பாகியாதுஸ்ஸாலிஹாhத்தின் தற்போதைய விடுதி வளாகத்தை அற்புதமாக நிர்மாணித்து, பேராசிரியப் பெருமக்களுக்கு தகுந்த ஊதிய உயர்வும் குடியிருப்பு வசதியும் செய்து கொடுத்த இப்போதைய நிர்வாகக்குழுவினருக்கும் இவற்றை பொறுப்பேற்றுச் செய்த மலக் முஹம்மது ஹாசிம் அவர்களுக்கும் இக்கூட்டம் மிகுந்த நன்றியை தெரிவத்துக் கொள்கிறது. அன்னாருக்கும் அவருக்கு துணை நின்றோருக்கும் ஈருலக உயர் பாக்கியங்களை அல்லாஹ் வழங்க வேண்டுமென இக்கூட்டம் இறைஞ்சுகிறது.
வேலூ}; அல்பாகியாதுஸ்ஸாலிஹாhத் அரபுக்கல்லூரிக்கு தென்னிந்தியாவின் தாய்க்கல்லூரி என்ற அந்தஸ்த்தும் பொருமையும் தொடர்ந்து நீடிக்குச் செய்யவும் பாகவிகளின் எண்ணிக்கை பெருகவும் பயின்ற கல்லூரியின் மீதான நன்றியுனர்வின் அடிப்படையில் பாகியாத்தின் நலனில் அக்கறை கொண்டு செயல்படவும் இக்கூட்டம் தீர்மாணிக்கிறது.
தமிழகத்தில் நிலவிய பாரம்பரிய வழக்கப்படி பாகியத்தின் பத்வாவின் அடிப்படையில் மார்க்க விசயங்களுக்கு முடிவு காணும் நடைமுறையை பரவலாக்க கவனம் எடுத்தக் கொள்வது என்றும் இக்கூட்டம் தீர்மாணிக்கிறது. பாகியாத்தின் பத்வா தொகுப்புக்களை தமழில் வெளிக் கொண்டுவர முயற்சி மேற் கொள்வதெனவும் இக்கூட்டம் தீர்மாணிக்கிறது.
அல்பாகியாதுஸ்ஸாலிஹாhத்திற்கு பேராசிரியர்களை நியமிப்பதில் தென்றதொட்டு கடைபிடிக்கப்பட்ட வரும் அடிப்படைகளை தொடாந்து கைகொள்ளுமாறு மதிப்பு மிகுந்த பாகியாத் நிர்வாகக் குழுவை இக் கூட்டம் பணிவுடன் கேட்டுக் கொள்கிறது.
பாகவி ஆலிம்களிடையே ஒருங்கிணைப்பை எற்படுத்த வசதியாக அவர்களின் தகவல் வங்கி ஒன்றை உருவாக்குவதென இக்கூட்டம் தீர்மாணிக்கிறது. இதற்காக தங்களிடமுள்ள தகவல்களை அனுப்பித்தருமாறு தனது உறப்பினர்களை இக்கூட்டம் கேட்டுக் கொள்கிறது. அல்பாகியத்தின் 150 ஆண்டின் நினைவாக அண்ணல் அஃலா ஹஜ்ரத் மற்றும் மன்னோடி பாகவிகளின் வாழ்கை வரலாற்ற ஆய்வுத்தொகுப்பு ஒன்றை வெளியிடுவதென இக்கூட்டம் தீர்மாணிக்கிறது.
மக்களுக்கு தேவைப்படும் விசயத்தில் சட்டத் தெளிவை வழங்கவும் ஜனரஞ்சக ஊடகங்களில் இஸ்லாம் குறித்து வெளியாகும் தவறான விமர்ச்சனங்களுக்கு தக்க முறையில் பதில் பதில் தருவது எனவும் இக்கூட்டம் தீர்மாணிக்கிறது.
ஆண்டு தோறும் ஒரு தகுந்த பாகவியை தேர்வு செய்து அவருக்கு ரூ10,000 வழங்குவதென இக்கூட்டம் தீர்மாணிக்கிறது.
ஜும்ஆ உரைகளை நெறிப்படுத்தவும் செறிவூட்டவும் ஆனைத்து இமாம்களுக்கும் பயனளிக்கும் வகையில் மூன்று மாதங்களுக்கு ஒருமுறை லிபாஸ் ஜும்ஆ வாய்ஸ் என்ற பிரசுரம் ஒன்றை வெளியிடுவது எனவும் இக்கூட்டம் தீர்மாணிக்கிறது.
இணைய தளம் ஒன்றை உருவாக்கி அதில் பாக்கவிகள் பற்றி தகவல்களையும் அவர்களது சேவைகளையும் பாகவிகளின் சிறந்த சொற் பொழிவுகளையும் இடம் பெறச் செய்வது எனவும் இக்கூட்டம் தீர்மாணிக்கிறது.
இன்றைய உலகின் தேவைக்கு ஏற்ப பல்வேறு துறை சார்ந்த நிபுணர்களை கொண்டு அனைத்து அலிம்களும் பயன்பெறும் வகையில் ஒரு நாள் பயிலரங்கு ஒன்றை இன்ஷா அல்லாஹ் வரகிற 2007 அக்டோபர் 23 ம் தேதி (ஷவ்வால் பிறை 10) கோவையில் நடத்துவது என இக்கூட்டம் தீர்மாணிக்கிறது.

ஜாமிஆ அல் பாகியாதுஸ் ஸாலிஹாத்

2007-11-06T07:15:00.000-08:00

தமிழகத்தின் நிர்வாகத் தலைநகராக சென்னை இருந்தாலும் தமிழக முஸ்லிம்களை பொறுத்த வரை வேலூர் அவர்களது சமயத்தலைநகராக இருந்தது இப்போதும் இருக்கிறது. அதற்கு காரணம் அங்குள்ள அல்பாகியபதுஸ்ஸாலிஹாத் அரபுக்கல்லூரி.

தென்னிந்திய முஸ்லிம்கள் தங்களது சமயப்பிரச்சினைகளுக்கு கடைசித் தீர்வாக பாகியாத்தை கருதுகிறார்கள்.
ஆல் போல் தழைத்துச் செழித்து உலகின் அத்தனை பகுதிக்கும் தனது விழுதகளை படரச் செய்திருக்கம் பாகியாத் எனும் ஒற்றைச் சொல் தென்னிந்திய முஸ்லிம்களை பரவசப்படுத்தும் ஒரு சொல்லாக நூறறைம்பது ஆண்டுகளாக திகழ்ந்து கொண்டிருக்கிறது.
இந்தியாவின் தென் மாநிலங்களில் தமிழகத்திலும் கேரளாவிலும் தனிப்பெரும் மரியாதையை பெற்ற நிறுவனமாக பாகியாத் உள்ளது. இந்தப்பகுதியில் மார்க்கக் கல்விப்பணி வாழவும் வளரவும் பாகியாத்தே வழிவகுத்தது. இப்பகுதியல் உள்ள அனைத்து அரபு மதரஸாக்களும் நேரடியாகவோ மறைமுகமாகவோ பாகியத்தை தழுவியவையே.
கல்வித் துறையில் பிரமாண்டமாகவும் நவீனமாகவும் வளர்ந்து விட்ட பல நிறுவனங்கள் கேரளாவில் உருவாகிவிட்ட போதும் அங்கு பாகியத்திற்கான தனி மதிப்பு இன்னும் இருக்கிறது என்பது எதார்த்தம். தென்கிழக்காசிய நாடுகள் அனைத்திலும் பாகவிகள் சிறப்பான பணிகளால் தமிழ் பேசும் முஸ்லிம்களிடையே இஸ்லாம் தழைத்தக் கொண்டிருக்கிறது என்ற சொன்னால் அது தவறாகாது.
உலகின் மூளை முடுக்கஙெ;கும் பல்லாஙிரக்கணக்கான் நற்;செயல்களுக்கு பாகியாத் காரணமாக அமைந்தது. சில பெயர்ப் பொருத்தங்கள் கணகச்சிதமாக அமந்து விடுவதண்டு. அதற்கு மிகச்சரியான ஒர உதாரணம் மஹம்மது (ஸல்) என்ற பெயர் என்றால் அந்த வரிசையில் இடம் பெற்ற மற்றொரு உதாரணம் பாகியத்.
1857 ல் கருவான இந்நிறுவனம் இந்தியவில் பெதுவாகவும் தென்னிந்தியாவில் குறிப்பாகவும் இந்தப்பாணியில் அமைந்த மூத்த முதன்மையான நிறுவனமாக இருக்கிறது.
இந்த பிரமாண்டமான நிறவனத்தை நிறுவி தென்னிந்தியாவில் ஒரு அமைதியான மார்க்கப்புரட்சிக்கு வித்திட்ட மதிப்பும் மேன்மையும் பெருந்தகைதான் ஷம்சுல் உலமா அண்ணல் அஃலா ஹஜ்ரத் அவர்கள். ஆண்ணார் தமது தூய தொண்டின் பயணாய் தென்னிந்திய மக்களிடையே மிகப்பெரும் அங்கீகாரத்தை பெற்றிருந்தார்கள். அவர்களது வாழ்வும் வழிகாhட்டுதல்களும் என்றென்றைக்கும் தேவைப்படபவை.

கோவை பயிலரங்கம்

2007-11-05T23:01:00.000-08:00

அல்லாஹ்வின் கிருபையால் கடந்த 23.10.2007 ம் தேதி செவ்வாய்க்கிழமை கோவை சங்கமம் திருமண மண்டபத்தில் ஆலிம்களுக்கான ஒரு நாள் பயிலரங்கம் காலை 10 மணிக்கு துவங்கியது.லிபாஸின் தலைவர் மௌலானா அல்ஹாஜ் ஜியாவுத்தீன் ஹஜ்ரத் தலைமை தாங்கினார். கேiவை ராம்நகர் பள்ளிவாசல் இமாம் பாருக் ஹஜ்ரத் கிராத் ஓத, ஏரல் பீர்முஹம்மது பாகவி கீதமிசைக்க மேலப்பாளையம் காஜா முஈனுத்தீன் பாகவி அவர்களின் வரவேற்புரை நிகழ்த்தினார். தமிழகத்தின் பல பகுதிகளிலிருந்தும் வந்திருந்த 65 உலமாக்கள் மிகுந்த ஆர்வத்துடன் நிகழ்ச்சியில் பங்கேற்றனர். ஆரம்பமாக மொழிவளம் குறித்து வாணியம்பாடி இஸ்லாமியா கல்லூரியின் முன்னாள் தமிழ்துறை தலைவர் பேராசரியர் தி.மு. அப்துல் காதிர் அவர்கள் வகுப்பு நடத்தினார்கள். வாரந்தோரும் ஜும்ஆ மேடை வழியாகவும் இன்னும் பல கூட்டங்கள் வழியாகவும் மக்களை சந்தித்து உரையாடுகிற வாயப்புப் பெற்ற உலமாக்கள் தங்கள் மொழிவளத்தை வளர்த்துக் கொள்ள வேண்டியதன் முக்கியத்துவம் பற்றியும் அதற்கான பயிற்சி பற்றியும் தன் உரையில் தெளிவாக குறிப்பிட்டார்கள். உலமாக்களுக்கு மிகவும் பயனுள்ள உரையாக இது அமைந்தது. அடுத்து ஆளுமைத் திறன் என்ற தலைப்பில் கோவையைச் சார்ந்த ஜனாப். நாஸர் அவர்கள் வகுப்பு நடத்தினார்கள். இவர் இந்தியாவில் மட்டுமின்றி பல வெளிநாடுகளுக்கும் சென்று தன்முனைப்பு பயிற்சி நடத்துகிற ஒரு சிறந்த பயிற்சியாளர். பெப்ஸி போன்ற பல முன்னணி நிறுவனங்கள் லட்சக்கணக்கில் கட்டணம் செலுத்தி இவரைக் கொண்டு தமது ஊழியர்களுக்கு பயிற்சி வகுப்புகள் நடத்துகின்றன. அத்தகைய ஒரு சிறந்த இளம் பயிற்சியாளரான இவர் சுமார் 2 மணிநேரங்கள் சுவை குன்றாது தன் பயிற்சி வகுப்பபை நடத்தினார். இவரது உரை வித்தியாசமாகவும் ஆலிம்களுக்கு மிகவும் பிரயேஜனமாகவும் இருந்தது.ளுஹர் தொழுகைக்கும் மதிய உணவிற்கும் பிறகு வேலூர் அல்பாகியாதுஸ்ஸாலிஹாத் அரபிக் கல்லூரியின் முன்னாள் முதல்வர் பி.எஸ்.பி.ஜைனுல் ஆபிதீன் ஹஜ்ரத் அவர்கள் ஆன்மீக ரீதியில் ஆலிம்கள் தங்ளை வளர்த்துக் கொள்ள வேண்டியதன் முக்கியத்தவம் பற்றி உரை நிகழ்த்தினார்கள். தமது பழைய மாணவர்களை சந்தித்த நெகிழ்ச்சி அவர்களுக்கும் தமது ஆசானை சந்தித்த மகிழ்ச்சி மாணவர்களுக்குமாக ஒரு இனிய அனுபவமாகவும் அவர்களது உரை அமைந்திருந்தது. ஆதன் பின்னர் அரசியல் அதிகாரம் என்ற தலைப்பில் கோவை அரசு கலைக் கல்லூhயின் அரசியல் அறிவியல் துறை விரிவுரையாளர் போராசிரியர் கணகராஜ் அவர்கள் பேசினார்;. இந்திய அரசியல் அமைப்பு பற்றியும் அரசியலில் பங்கேற்கும் வழிமுறை பற்றியும் குறிப்பாக வாக்குச்சீட்டின் வலிமையைப் பற்றியும் சுருக்கமான நேரத்தில் தெளிவான கருத்துக்களை எடுத்துரைத்தார். நிறைவாக கோவை அப்துல் அஜீஸ் பாகவி கணிணியின் பயன்பாடு பற்றியும் இன்டர் நெட்டில் மலிந்து கிடக்கிற தகவல் களஞ்சியங்கள் பற்றியும் செயல்முறை விளக்கப் பயிற்சியளித்தார். மாலை 5 மணிக்கு நிறைவு செய்யத் திட்டமிட்டிருந்த நிகழ்ச்சி இடைவெளி இல்லாமல் இரவு 7 மணிவரை நீண்டது எனினும் பலரும் அர்வத்தோடு பங்கேற்றது குறிப்பிடத்தக்கது. அதே போல வருகை தந்த ஒவ்வொரு ஆலிமும் ரூபாய் 50 பதிவுக்கட்டணம் செலத்தி நிகழ்ச்சியில் பங்கேற்றதும் குறிப்பிடத்தக்கது. நிகழ்ச்சியில் கலந்து கொண்ட அனைவருக்கும் திருக்குர்ஆன், ஹதீஸ் திரட்டு, இஸ்லாமிய வரலாறு ஆகிய தலைப்புக்களை கொண்ட குறுந்தகடுகளும் இன்டர்நெட்டிலிருந்து இறக்கம் செய்யப்பட்ட மின்னனு நூலான இமாம் நவவி (ரஹ்) அவர்களின் புஸ்தானுல் ஆரிபின் என்ற நூலின் அச்சுப்பிரதியும் வழங்கப்பட்டன.இன்ஷா அல்லாஹ் வருகிற 2008 பிப்ரவரி மாதத்தில் ஆலிம்களின் சொற்பொழிவுத்திறனை மேம்படுத்து வகையில் தகுந்த நபர்களைக் கொண்டு சேலம் நகரில் ஒரு நாள் பயிற்சி பட்டரை நடத்துவது என்ற தீர்மாணத்துடன் நிகழ்ச்சி இனிதே நிறைவடைந்தது. அல்ஹம்துலில்லாஹ்

லிபாஸ் நிர்வாகக்குழு

2007-11-05T22:44:00.000-08:00

லிபாஸ் நிர்வாகக்குழு

தவைர்:
மௌலவி பி.எம் ஜியாவுதின் பாகவி (அய்யம் பேட்டை)
9443306269
செயலாளர்:
அ. அப்துல் அஜீஸ் பாகவி (கோவை)
9443709706
பொருளாளர்:
பி.ஏ.காஜா முஈனுத்தீன் பாகவி (மேலப்பாளையம்)
9443201037

உறுப்பினர்கள:

ஏ. பீர்முஹம்மது பாகவி (மதுரை)

ஏஸ்.அப்துல் ஜப்பார் பாகவி(புதுக்கோட்டை)

எஸ்.எஸ்.அஹ்மது பாகவி(தூத்துக்குடி)

அப்துர் ரஹீம் பாகவி(பேட்டை)

எம்.ஜபருல்லா பாகவி(திருப்பூர்)

எஸ்.முஹம்மது ரபீஉத்தீன் பாகவி(புதுக்கோட்டை)
முஹம்மது அபுதாஹிர் பாகவி(சேலம்)

முஹம்மது இபுறாகீம் பாகவி(கோவை)

எஸ்.என். ஜாபர் சாதிக் பாகவி(சென்னை)
அபுதாஹிர் பாகவி(சென்னை)
மெலானா அப்துல் கையூம் பாகவி(எஸ்.பி.பட்டினம்)
நூர் முஹம்மது பாகவி (அதிரை)
ஏ.அப்துர்ரஹீம் பாகவி(அத்திக்கடை)
அஷ்ரப் அலி பாகவி(பள்ளபட்டி)
பைஜீர் ரஹ்மான் பாகவி(ஈரோடு)
எஸ். அப்துல் ஹக்கிம்பாகவி(மங்கலக்குடி)
அபுஸ்ஸவூத் பாகவி(மார்க்கம்பட்டி)
ஏ.செய்யத் அபுதாஹிர் பாகவி(தஞ்சை)
அப்துல் லத்தீப்(ஏர்வாடி)
எஸ்.முஹம்மது இஸ்ஹாக் பாகவி(தாராபுரம்)